今日終於捱完嚟三個連續嘅早更... 真係好攰呢?! 因為嚟三晚我都只係訓咗四個鐘, 由零晨一點訓到早上五點半起身返工, 再到零晨一點先訓... 今朝洗面時發覺自己對眼變咗朦豬眼之餘仲好腫下添.. 慘! 不過好彩聽日返通宵.. 今晚我應該會大昏迷... 哈哈!! 今晚放7PM, 放工後就同男友去咗OUTBACK据扒, 男友超開心, 因為佢想食佢地嘅炸磨菇好耐啦! 去到要等一陣先至有位.. 我地有卡位坐呀! 之後就有個男仔叫JAY嘅SERVE我地啦! 原來HAPPY HOUR到8PM完, 如果飲WINE就買一送一, 咁我地先嗌2杯(即一共4杯)嘅HOUSE WINE... 當然有炸磨菇, 另每人各自要個肉眼扒, 我要咗10oz, 男友就14oz... 個扒係跟湯或沙律, 好好味嘅飽同SIDE DISH... 全部都好好食呀! 除咗食物質素好之外, 我有留意到佢地D SERVICE真係幾好! 好細心同會同我地傾下計咁... 所以真係抵佢成日都咁滿坐... 今次我地食得好飽好飽, 又係食咗一個好滿足嘅晚餐, 我好滿意呀!