|
| 
Hey Karen, this is for you!! 上個禮拜我嘅朋友仔去完紐西蘭CHRISTCHUCH旅行完畢, 係佢去旅行之前, 佢問我有咩想要, 我話N.Z最出名就係羊啦! 咁我講笑咁講叫佢買隻羊俾我啦! 呵呵.....咁佢當然冇買到啦...傻架咩!! 不過就買咗D羊架仔俾我啦! 真係合我心意, 因為我都算係一個羊扒癡...我勁鐘意食羊扒架啦! 仲要越"SO"越正添.... 癲架! ANYWAY, 咁尋晚就由我亞爸煮嚟食做晚餐... D羊架仔真係好鬼正, D肉質好嫩, 簡單嘅調味已經好好味啦! 真係一流... 唔知幾時又有人再"空運"D羊架俾我呢? 哈哈....... 我又流口水啦...... | | |
| 
尋晚返通宵都算托賴啦... 風平浪靜!! 但係尋晚同同事出去食飯就發生咗D嘢... 話說我同另外三位同事揸車去某東涌食店食晚飯, 叫咗四碟餸, 其中一碟係蒜蓉炒油麥菜... 咁食食吓, 一位女同事突然俾條菜我睇... 嘩! 好大隻腳呀!! 一條又長又幼嘅昆蟲腳, 應該係D大隻蚊腳... 唉..算啦, 掉咗佢.... 點知, 同一位同事又好好彩地, 今次係隻蚊嘅全身.... SHIT! 我當時只係得一個反應.... 我好想嘔!! 我甚至將已放入口個條油麥菜吐番出嚟.... 之後又係同一位同事, 又係佢揾到另一隻腳... 搞到我地個個停哂手, 冇再食落去... 好彩叫做差不多食飽, 唔係唔知典算好.... 而我地亦都提議嚟位咁好彩嘅同事快D去買六合彩... 包中呀! 哈哈..... 唔知係咪心理作用呢? 之後覺得個肚有D唔舒服... 不過冇事! 我仲後來因為又肚餓, 所以食咗杯超辣冬陰公杯麵添!! 好味呀!! | | |
| 
今日終於捱完嚟三個連續嘅早更... 真係好攰呢?! 因為嚟三晚我都只係訓咗四個鐘, 由零晨一點訓到早上五點半起身返工, 再到零晨一點先訓... 今朝洗面時發覺自己對眼變咗朦豬眼之餘仲好腫下添.. 慘! 不過好彩聽日返通宵.. 今晚我應該會大昏迷... 哈哈!! 今晚放7PM, 放工後就同男友去咗OUTBACK据扒, 男友超開心, 因為佢想食佢地嘅炸磨菇好耐啦! 去到要等一陣先至有位.. 我地有卡位坐呀! 之後就有個男仔叫JAY嘅SERVE我地啦! 原來HAPPY HOUR到8PM完, 如果飲WINE就買一送一, 咁我地先嗌2杯(即一共4杯)嘅HOUSE WINE... 當然有炸磨菇, 另每人各自要個肉眼扒, 我要咗10oz, 男友就14oz... 個扒係跟湯或沙律, 好好味嘅飽同SIDE DISH... 全部都好好食呀! 除咗食物質素好之外, 我有留意到佢地D SERVICE真係幾好! 好細心同會同我地傾下計咁... 所以真係抵佢成日都咁滿坐... 今次我地食得好飽好飽, 又係食咗一個好滿足嘅晚餐, 我好滿意呀! | | |
|
